Rang aur Insan

Rangoon ka bi ajeeb hi khel hai. Kabhi kabhi rangoon ka taluq kisi ek rang sa hota hai, wo ek wahid rang jo rangoon ko motabaar krta hai. Wo ek rang jis ki talash mai sari zindagi guzar jati hai, wo ek rang jo hazaroon rangoon mai bi ho tu door sa nazar usko pehchan layti hai aur kabhi us ek rang ki kami bki rangoon ko berang kar dayti hai. Us ek rang ka hona khushii aur sakoon ki allamat hai aur us k na honay sa hazaroo waswasay zindagi mai aa jaty hai. Yehi haal insan ka bi hai. Usay b rangoon ki tarah motabaar karny k liye ek aisa hi rang chaiye hota hai jo usko munfarid kary, jo us ko mukamal kary jo sirf ushi ki zaat ka mehwaar ho. Us k liye wo ek rang jaisy sari kainat ho jis ko wo lahkoon k hajoom mai bi bina kisi duswaarii k dhoond lay. Aur wo us k rang mai rangta chala jata hai bina yeh sochy k us ka rang uski zaat par aashanaaz ho ga b k nhi. Magar wo us rang k rang mai khud ko fanna kar dayta hai aur wo rang yeh keh kar akhir mai usko chor jata hai k yeh kis rang mai rang gye ho. Rang aur insan kehny ko ek jaisy zarur ho skty hai hai magar haqeeqat mai hai nhi kyu k rang ek dafa char kar uthartha nhi aur na hi usko baad mai koi gilla hota hai jb k insan dosaray insan ko apnay rang mai daal kar usko yeh keh kar chor dayta hai k tm wo rang nhi jo mai chahta tha.